141
agrě ngaran Dewi soka,
sang ari Diah Padapa,
jatukarman dewa bagus,
sasarad memene aba.
14. Sakancan satrune wani,
jaga nyangkala i dewa,
nah meme matinggal mangko",
18b. raris malěcat Dewi Uma,
widyadhari widyadhara,
sareng sami ngiring mabur,
mangungsi ka Siwaloka.
15. Sang Kalika saget sedih,
ěngsěk kahyune mulisah,
santukan katinggal rěko,
antuk Ida Dewi Uma,
miwah samětone samiyan,
wantah ida kari iku,
maduluran toyan panon.
16. Mangarěpang matur mangkin,
"Uduh Dewa sang Sahadewa,
olasinja meme mangko,
lukat malan tityang dewa,
sidha mawali ka swargan",
sang Sudhamala matur,
"Ndawěg tityang biang Kalika.
17. Durung purun tityang mangkin,
mangruwat malan i biang,
19a. dwaning dosan biyange rěko,
maněluh manyětik suamya,
sisip biyang durung pragat,
riki biyang jantos dumun,
