139
inggih tityang nyadya ratu,
ngruwat Ida Hyang Durgha.
5. Yan sampun bhaṭāra nyĕwecanin,
malingga ring dewek tityang,
micayang kasidan mangko,
tumuli raris madabdab,
sang Sahadewa ngarepang,
sarwi manunggalang kahyun,
ngastawa Ida Hyang Siwa,
6. Sakarura bija kuning,
sampun sami cumadang,
raris ngelarang Weda mangko,
Hyang Durgha mawěwěh duka,
santukan tan kahyun karuwat,
duk ida kadung nyusup,
durgha mūrtine karangsukang.
7. Wirosa kahyune mangkin,
jaga munggal sang Sahadewa,
prarai acrěng nyarorot,
mangandika gerak-gerak,
nah ne jani Sahadewa,
17b. tan urungan cai lampus,
pělihe sing nyak ngruwat.
8. Agya naruju nyempalin,
saha sakahyun nyedayang,
ri wawune nampěk rěko,
Hyang Durgha makakeb bah,
sang Sahadewa nyamběhang,
sakarura bija iku,
nguncer weda pangruwatan.
