Kaca puniki sampun kauji-wacén
138
16b. sane mangkin,
raris ida mangandika.
Puh Smarandana
1. Mangrésěp manira jani,
těken atur i dewa,
nah manira lungha mangko,
ring gěnah Ida Hyang Durgha,
raris Ida Sanghyang Siwa,
lungha nyuksma laku,
tan ucapan maring jalan.
2. Saget sampun napak mangkin,
maring setra Gandamayu,
sarwi mangandika mangko,
majěng ri sang Sahadewa,
uduh cěning pyanak bapa,
mělah ne jani i bagus,
ngruwat malan nini Durgha.
3.Da cěning walanggati,
bapa nyusupin i dewa,
apang i dewa prasidha,
sang Sahadewa kagyat,
reh tan uning karawuhan,
antuk Ida Sanghyang Guru,
tumuli gelis manyĕmbah.
4. ong nama siwa ya hṛdhi,
ndawěg akşamayang tityang,
kasep manyambrama mareko,
17a. inggih tityang manyadyayang,
paswecan singgih bhatāra,
