135
15. Tangkĕjut watĕking dewa,
ring gagana humyang mangkin,
kagiyat Hyang Narada,
sĕdĕk ngalanglang ulangun,
raris ida majanggĕlan,
dwaning ngakṣi,
teja galang saking jagat.
16. Raris ida manudtudang,
makantĕn hyang Durgha mangkin,
dahat duka ngayat bĕlakas,
pikahyune tan guyu-guyu,
bingbang kahyun Hyang Narada,
kudyang jani,
nulungin sang Sahadewa.
17. Yan sang Sahadewa pĕjah,
Paṇḍawa makĕjang mati,
15b. yan sinalih tunggil matya,
jagate milu lĕbur,
mawali Ida Hyang Narada,
sada aris,
saget rawuh ring suwarga.
18. Rawuh ida ring suwarga,
Hyang Aswino kapanggih,
sarĕng Hyang Mahadewa,
hyang kalih sada gisu,
nyambrama Hyang Narada,
saha bhakti,
Om swasti astu bhaṭāra.
19. Dahat bagya ratu tityang,
kĕrawuhin hyang rṣi mangkin,
napi wentĕn bwate prapta,
