Kaca puniki sampun kauji-wacén
132
2. Sangkan waduwane tĕka,
tangan-tangan kumangmang malih,
bhuṭa bang bhuṭa gadang,
miwah kalajengking milu,
sami ngigĕl jingkrak-jingkrak,
mangilĕhin,
punyan kepuhe ring setra.
3. Wentĕn sane itĕp pisan,
manadabang basang bangke,
13b. wentĕn sane mukang-mukang,
miwah mĕlut tĕndas ditu,
ne pĕcak sāmpun matanĕm,
tiyos malih,
dingkrak-dingkrak ipun ngigĕl.
4. Ni Kalika malih ngatag,
uduh watĕk kala-kali,
jejehin ja sang Sahadewa,
bhuṭa-bhuṭine lumaku,
pagelur ia mangakak,
kagambĕlin,
antuk gambĕlan bragenjang.
5. Langkung pisan kabhinawa,
rehnya mamata abĕsik,
gede tur mulan pūrṇama,
ngardi kakĕdekan bawud,
mawinan kadangnya teka,
makasami,
mapunduh maring setra.
6. Rawuh i bhuṭa papĕtĕng,
matane buntĕr abĕsik,
tĕka iya gĕrak-gĕrak,
