Kaca puniki sampun kauji-wacén
131
24. Ndawĕg jĕro sang ledang mangĕlesang,
panĕgulan tityang mangkin,
inggih akṣamayang tityang,
munggwing sapasira parab,
sang kataken raris nyawis,
inggih tityang,
sang Kalika kang nami.
25. Dahat ledang ne mangkin Ni kalika,
anak anom tur apĕkik,
raris dane ngandika,
"Uduh Dewa sang Sahadewa,
13a. pinunas tityang dagingin,
ledang ring tityang,
sinah buwung dewa ngĕmasin".
26. Sapunika atur dane kaulangunan,
madulur ngasih-asih,
sang Sahadewa nulak,
singgih ndawĕgang tityang jĕro,
durung purun tityang ngiring,
kahyun i dewa,
bĕcik padĕmang tityang mangkin.
Puh Ginada
1. Mirĕng bawos sang Sahadewa,
Ni Kalika dahat brangti,
manahe tan kadagingan,
tumuli raris mangutus,
waduwane mangda mĕdal,
kagĕlurin,
waduwannya sami prapta.
