130
ri sampun ruwuh ring puri,
nyujur pamrĕman,
Ni Kalika mlĕcat gĕlis.
20. Tan ucapan pawalin Ni Kalika,
sang Sahadewa kocap mangkin,
katinggal ring setra,
ring wit kepuhe kabanda,
surup Sanghyang Sūrya mangkin,
watah hyang Ulan,
ngentosin manyuluhin.
21. Sakewala ring linggih sang Sahadewa,
pĕtĕnge tan mari-mari,
carang kĕpuh daunya rambyah,
awinan tan wentĕn galang,
sang Sahadewa lintang sĕdih,
tan angucap,
reh kahyune lintang sĕdih.
22. Tan pararapan wentĕn maya makĕlap,
sang Sahadewa katampĕkin,
sang Sahadewa ngandika,
12b. "Inggih sapasira prapta",
sang maraga maya nyawis,
"Ne ne gĕlah,
Ni kalika tĕka mai".
23. Singgih jĕro olasinja kuda tityang,
tityang kabanda iriki,
Ni kalika kapyolasin,
nyingak sang Sahadewa,
taline raris kaĕlusin,
nuli ngandap,
sang Sahadewa atanyi.
