127
6. Enggalang ja alih pyanake sang Sahadewa,
kĕma alih ajak mai,
10a. sapunika Dewi Durgha,
reh kahyune bangĕt paling,
digĕlis budal,
midarta ring putra sami.
7. Uduh cĕning pyanak meme ajak makĕjang,
meme tĕka uli tangkil,
mahaji ring Hyang Durgha,
nunas kapatyan i detya,
musuh cĕninge pituwi,
iya i detya,
ngantinin Korawa jani.
8. Sane mangkin umatur ida sang Bhima,
napi ibu mapikolih,
lungha mapinunas,
Dewi Kunti raris nimbal,
lacur twara mapikolih,
ngalahang ia,
i detya sarĕng kalih.
9. Manut bawos ida Bhaṭāri Durgha,
pyanak meme silih tunggil,
kabawos manĕsin kadangnya,
patūt aturang ring ida,
keto bawos idane cĕning,
10b. tusing ja biyang,
sapasira ne manĕsin.
10. Nah ĕnto adih cĕning sang Sahadewa,
kĕma jani ia alih,
Sahadewa gĕlis prapta,
saha praṇamya nyumbah,
