126
tut pajalan Dewi Kunti,
surupin iya,
apang ya ngaturin mai.
2. Pyanaknya ane madan sang Sahadewa ",
Ni Kalika matur gĕlis,
"Singgih ratu bhaṭāra,
tityang ngiring sawacana,
nghing tityang nunasang rihin,
9b.napi sisipnya,
Dewi Kunti ring Bhaṭāri".
3. Warah Hyang Guru duke malu tĕkenira,
raras tiban jangkĕp pasti,
meme nandang kasangsaran,
ditu mara sidha ruwat,
sang Sahadewa sidha ugi,
ĕnto karaṇa,
mawinan nagih ring Dewi Kunti.
4. Dewi Kunti manulak laut matinggal,
ĕnto mawinan nyai,
jani enggalang jwa tut ya,
tur rangsukin deweknya,
Ni Kalika ngĕtut gĕlis,
tur masurupan,
maring anggane Dewi Kunti.
5. Dewi Kunti ngangkrĕg nuli mawali mwah,
ka gĕnah Durgha Dewi,
panyingakan ida mĕrengang,
lali ida maring angga,
nuli Hyang Durgha mangakṣi,
sarwi ngnadika,
ih Kunti nguda mawali.
