an, sang prabu ring Singalane, miwah sri Dasabau, sareng prabu Raksapati, ngesore pada nigang, rangsuk ring praratu, praputra kalih rangsuk, arangsukan ring patih punggawa mantri, pamite ngaras pada.
111b.
65. Sampun budal watek ratu sami, medal saking jero puri Astina, sang prabu Purwadane, sampun masurudayu, kicen warah nuli mapamit, nanging tan arsa budal, ring purine dumun, ring ne madan Ratnakanda, pangungsine matapa ring gunung sepi, ngemit warahing surya.
66. Detya punggawa samian ngiring, pada ngregep solah kapanditan, tan kari rucak olahe, nyadia ngungsi rahayu, mangda urung ka kawah api, kocap gelising cerita, lami-lami sampun, prabu Sutasoma moksa, sang Ardana gumanti ratu mandiri, maha raja Ardana.
67. Prabu Dasabau moksa malih, Arya Sala ngadeg dadi raja, ring bumi Kasi rajane, sang pramesuarinipun, raja putri ring Dwarawati, putri Sri Citrangsuka, Arya Daksawau, nyentana ring Sri Maruta, kambil mantu tur dadi gegenti, ring puri Welaraja.
68. Sang Sucitra manyentana malih, ring sang prabu Susena Kundina, masih kaambil mantune, paparabing putri ayu, raja putri si Renggawati, tur laris madeg raja, sang Sucitrawan, dadi sang prabu Kundina, kacerita sang prabu Ardana malih, madeg ratu Astina.
112a.
69. Sida dadi prabu nyakrawerti, pramesuarine putri Wirata, Sri Singa Gosa putrine, pupane luih ayu, ngaran sri Dewi Rukmawati, kadi putri Wirata, Utari ne dumun, kaambil putra Pandawa, sida dadi ibune Parikesit, nyakrawerti Astina.
70. Kocap sang prabu Ardana luih, yen kaprawirane ring yuda, sampun kasub susaktine, nyaih Arya Bimaniu, anak sang Arjunane nguni, bagus ratu teruna, atut suba atut, nanging masih durung nyandak, adnyanane kadi ne wau i aji, Betara Sutasoma.
283
