witan cening, sang arya Dananjaya, Arjuna ne malu ngalahang Manimantaka, ngamatiang Niwatekawaca sakti, matulung ka Swargan.
107b.
38. Suken bapa widyadari luih, pitung diri malih tuara bina, ring ne jani pipitune, mangdene teher patuh, tingkah tresna bapa ring cening, ring kawit cening kuna, wireh pada putus, bisa ngae karahayuan, ring Swargan miwah ring rahayuning gumi, yen wantah dewa arsa.
39. Ngiring simpang ka Indraloka mangkin, tuara lami angan pitung dina, cara Arjuna ngunine, sang Sutasoma matur, "Sampun ratu Hyang Indra malih, puniki sampun sarat, katampak asuun, suecaning watek dewata, sakewanten manira nunas akidik, uriping wong asing pala".
40. Mangda pada paripurna sami, sawateke ne rusaking ring yuda, Hyang Indra egar kayune, ngujanang amreta sampun, prabu Sutasoma mapamit, tan kacrita ring marga, ring Astina rauh, jejel sesek sanigara, rangkung katah praratu miwah prajurit, saha wadwa raksasa.
108a.
41. Tan asue laris rauh gelis, prabu Jayawikrama Singala, miwah patih Pramodane, punggawa mantri agung, miwah sakatah para ari, Salwa Utara Sangka, Janaka len Ketu, sami pada kauri- pang, ring Hyang Indra, kranane saking pamidi, sang prabu ring Astina.
42. Sampun pepek ratu sami, marek ring sang prabu ring Astina, sang prabu Dasabaune, Manggala pura prabu, miwah prabu Singala puri, prabu Jayawikrama, tulia Brahma Wisnu, nangki ring Betara Siwa, saksat Kala Sang raksasa pati, sang raja Purusada.
43. Watek dewa prabu Dwarawati, prabu Cedi sang prabu magada, Awangga len Kalinggane, miwah Wirata prabu, prabu Sela sang prabu Kundi, ratu satus negara, ring wurine nyambung, arine prabu Gopala, prabu Madra Pancala Sri Mahispati, prabu Kunja negara.
44. Prabu Jambana Kamboja malih, Kasmira lan Metila Anupa,
279
