106b.
31. Tan sue laris kuntal gelis, sampun ngranjing prabu Sutasoma, ring weteng Sang Hyang Kala kalane, Hyang Kala lasa lusu, kadi rasa manguntal gni, matur sri Sutasoma, "Napi krana durung, manira mati ketadah oleg Betara nadah ne mangkin, krana makulasahan.
32. Pamidine sanget mamilihin, mangda ugi sang prabu Astina, sampun kasidan sadyane, dadi mapuara limuh, mirib saking tan sarat jati", sapunika wecanan, sri Astina prabu, nanging jeroning garba, Sang Hyang Kala meneng tan nyaurin, uyange ngangsamraat.
33. Gebyag-gebyug gulalang guliling, wecanane sarag sada begah, "Pesu dewa age-age, i bapa ngidih uruk, enggal-enggal da ngantos lami, uruk bapa urukang, uruk uruk uruk", masaur sang Sutasoma, "Sang Hyang Kala, punapi saking sayuwakti, praya makarsa warah".
34. "Teka psu dewa gelis-gelis, bapa wantah saking sesajayan, medal sang prabu tan sue, Hyang Kala mrupa sampun, kadi rupane nguni-nguni, barak selem saliwah, turin alus gundul, ri sampun katuran warah, kenyem-kenyem sang Sutasoma mapamit, praya mulih ka Astina.
107a.
35. Watek ratu pada suka sami, watek detya sami pada kauripang, antuk sri Sutasoma, tur sami nyembah suyud, miwah ratu tigang negari, Magada lan Awangga, Kalingga sang prabu, sami pada kauripang, sakatahing mati prajurit maurip, tekaning tutunggangan.
36. Ratu satus negara prasami, muah ratu sawatek Astina, miwah detya denawane, sampun samian tut, laris tulak ka Astina gelis, Betara Sutasoma, ring margi mamangguh, turun Ida Sang Hyang Indra, maicayang Widyadari pitung siki, maka ganjaran menang.
37. Mangalahang detya sakti-sakti, turun sarat ngardi karahayuan, ring sarwa-sarwa rupane, to krana bapa rauh, reh ne nguni ka-
278
