103b.
11. Gelis benyak ring pesanggrahan kari, ulungane dadi prigi asat, kerangkung-rangkung asrine, dangastra malih kasambut, kapanahang tan sapikolih, sewau tampek punah, tan sida mangremuk, ring sang ratu Sutasoma, pamurtyane kerangkung nyadia ne mangkin, praya maburag jagat.
12. Wireh jati-jati rudra murti, watek dewa rauh sinamian, sanget-sanget pitangguhe, Sang Hyang Rudra laris mur, mesarengan ring dewa sami, kari sang Purusada, mulih kadi sampun, duk katinggal ring Hyang Rudra, menyaruyung nyalempah satengah mati, tan kari pamurtyan.
13. Kejati mula masirah siki, miwah matangan kekalih kewala, agenge kadi prahe, seduke dumun-dumun, tan suwe malih metangi, nyembah ring ratu Astina, misadia metaluk, miwah nyadia nuun pada, nunas pangampura kaping yuta keti, wireh keagengan dosa.
14. Prabu Purusada ngasih-asih, nunas ica prabu Sutasoma, sampun tampi ring tulake, sang detya malih matur, saha sembah madulur tangis, nyadia mangda ngaturang, ring Hyang Kalamertyu, sang Sutasoma nyaurang, ila-ila linyok ring dewa pitwi, gati nira aturang.
104a.
15. Prabu Purusada sanget nangis, mekul pada saking mulus trang, nyadia mepuruhita, yen susununan katur, kaulane wangue memanggih, kesuksmaning jnana, paican sinuun, tur Ature metgat-megat, kurang antar kasreging tangis, sanget makulisahan.
16. Prabu Sutasoma ngandika aris, "Purusada da rahat nyungsutang, yen twah twi dasiane, nunas mesurud ayu, nira aturang gati-gati, ring pada Hyang Kala, da linyok ring atur, Hyang Kala, da linyok ring atur, Hyang Kala meraga dewa, yen tan tuwon pastine cacad kapanggih, nganggo linyok ring dewa".
17. Prabu Purusada rangkung ajrih, laut ngiring praya mengaturang, mekalihan ring kretane, mamargi sada gisu, praratu sa
275
