ngiderin sri Dasabau, ring arep ring sampingan, saking wungkur sakedap-skedap laut, malesat ring awang-awang, nujah rata saking langit.
30. Ratane sri Datraputra, sampun geseng ngarutug dadi api, turun prabu Dasabau, magut tandang ning detya, pada narat detyane silih tembung, ring gada prawira, salih ungseb salih ukih.
31. Gadane kalih kaplesat, rempak rempuh mesalin kadga malih, kadga kalih punggel putung, silih tampel ring tangan, rangkung rame maruket, tan ngrasa tuyuh, pada lwate kadi waja, kra seu silih ukih.
101a.
32. Keni kalanting ring tangan, plipise sang prabu detya kenyih, pengeng liyun manyarundung, ngejer marasa pejah, tur kajambak kalangseg, muane sampun, "E raksasa ngawag-awag, ne
palane tepuk jani.
33. Slahe muburang jagat, tanpa dosa tan pa wit unduk becik, nadak ratu anggon caru, ruruh akuda-kuda, detya cekap tan pisan ngawenan ayu, lengit cinging para cidra, pantes isin kawah api'"
34. Prabu Kasi nyadia munggal, sirah detya praya katurang glis, ring sang prasida sinuun, Betara Sutasoma, glis nglingsir prabu Purusada laut, mamurti ngebekin jagat, mawak Sang Hyang Rudra.
35. Landunge nyujuh angkasa, sirah siu tangane kalih tali, suku kalih kadi gunung, calinge kadi kilat, mata katah kadi surya kalih ewu, senge kaliwat-liwat, tur marubul bedal api.
36. Tangane ngagem sanjata, pepek sami obah jagate kadaut, ocak mauder-uderan, segarane kadi lab-lab kadi lebur, reh apine kadi ujan, ngaliyab nyarambah gumi.
101b.
37. Sang prabu Kasi negara, ngayat panah sahasa memanahin,
panah Brahma panah Wisnu, panah Betara Iswara, panah Bru
271
