raksasa, mantri jero papat kasambut, mantri jaba rangkung katah.
25. Wenten detya rauh malin, mantri jero madan Sutiksna, saha gada pangamuke, katah ratu pada pejah I keni senjata gada, prajurit Astina lulus, miwah para raja putra.
26. Sang ratu Dwarawati, katincap antuk raksasa, kadi gulem panglikube, kukuh prajurit rangsuk, ngadeg ring ruhur gajah, ngayat gada tur manulu, katah detya pada pejah.
89a.
27. Detya ageng katah mati, sorohne maniru banas, ne nganggo kalung ante, kadi kepuh randu pungkat, duk rubuh nepen timpal, detya alit katah layu, kalabuhan detya banas.
28. Karangkung ramening jurit, Dwarawati nglawan detya, sampun maduka tetane, prajurit riang Ratnakanda, mantri jero mantri jaba, sampun mabiyuk makumpul, sawireh samantri jaba.
29. Arang-arang misi sakti, yen tongsok mapuara telas, tan mangudilin yudane, yadine ageng-agengan, ne kadi landung jaka, kadi bunut kepuh rangdu, masih gigis mawisesa.
30. Asing mara lindes mati, detyane ageng-agengan, nglawan wong Dwarawatine, sok bisa ngluyuang timpal, katah lung kalabuhan, duke wau bah narudug, keni kaancap sanjata.
31. Mantri jero nyagjagin, ne madan detya Subangga, sang prabu Dwarawatine cepet nglambet ring gada, detya Subangga pejah, detya Dumdumdi karauh, manujah antuk swamoga.
89b.
32. Sang prabu ring Dwarawati, tan tahen jeg kakecosan, maruket ruur gajahe, keni lambunge nerawang, mati sri Citrangsuka, prajurit Astina lulus, watek ratu raja putra.
33. Sang Jayendra nanggal glis, patihe prabu Astina, kagada ring raksasane, paksa sane ngrupak ring rata, cepet patih Jayendra, ngancap ring musala remuk, sakatah wadwa raksasa.
256
