pacepolpol, miwah detyane madarat, ne maketi-ketiyan, poleng belang brintik dadu, karempak antuk sang Sala.
16. Sang Paksindrawaktra brangti, gelis macebur kadarat, paksane nyadia mangotol, matane sang raja putra, sang Ardana ngelisang, ngambil langkap aris turun, saking rata gelis mamanah.
17. Sang Paksindrawaktra keni, kapanah sirahe tastas, gumurudug duk rubuhe, kadi gunung batu bungkah, egar masurak-surak, wong Astina len praratu, mamuji arya Ardana.
88a.
18. Sang Sumala rangkung brangti, nyambut sanjata betala, masih detya punggawa jero, wadwane katah-katah, sregep saha tunggangan, cakra tomara marubul, sampun pada katiwakang.
19. Wadwa Astina prajurit, katah lindes magulungan, putra walaba kalihe, sang Gupta miwah sang Lupta, kakalih pada pejah, para putra malih ngamuk, Madra Mayura Pancala.
20. Wadwa detya katah mati, kapanah miwah kasempal, sang Sumala rangkung aeng, karebut ring raja putra Gopala Antasara, Kasmila Mesila ngrebut, miwah Jembana Kamboja,
21. Kadi Rawana duke nguni, ngrebut watek wangsa, wenten kadakep kacekek, miwah kadi Kumbakarna, karebut ring wenara, detya Sumala tan keweh, ngawales ring Cakrabajra.
22. Saget cepet ngupak bukit, agenge salumbung kembar, kanggen nyabat praratune, makelid samian gesar, laris arya Ardana, cepet maniwakin isu, sirah detya sampun pegat.
88b.
23. Muncar-pancar medal getih, sirah molih atep tulak, malih ngamuk rangkung aeng, Ardana malih mamanah, sirahing detya pegat, ping pat ping lima mawangsul, duk pegat malih sapisan.
24. Sang Sala nyagjagin gelis, ngadang ring awaking detya, sirah pralaya ngatep age, kapalu ring gada bencar, lulus wadwa
255
