gajah, detya selem tumpes larud, punggawane katah pejah.
6. Bungkah tan dadi mawali, raksasa manca negara, mantri jero mamu1ih age, sang Durmedagraduloma, miwah Pasindrawaktra, sami galak pada ngamuk, maniwakang cakra konta.
7. Saha ngawijilang geni, muntab murub ngabar-abar, wadwaning para putrane, katah puun mati bunglas, bungkah larud kaulah, ring geni maya ngarutug, agenge kaliwat-liwat.
87a.
8. Sang ratu ring Dwarawati, prabu Citrangsuka mapag, ring panah bayu bajrane, kampehang genine tulak, ngeseng wadwa raksasa, katah-katah detya puun, detya Doluma nangsekang.
9. Tangkahe keni kasisit, ring panah Citrangsuka, kroda detya Dolumane, misadia mapeluk munggah, ring gajah Citrangsuka, sang Arya Sala matulung, cepet maniwakin cakra.
10. Sang Doluma sampun mati, ngelantes sirahe pegat, sang Dumedapaksa ngebog, sang Sala saking samping, cepet sang arya Ardana gelis manakah ring isu, sang Durmeda kapisanan.
11. Lambung belah nuli mati, miwah sekatah raksasa, ring langit kaacep age, ring panahe sang Ardana, raja putra Astina, sang Pasindrawaktra rauh, tandange kabina-bina.
12. Ngotol mataning prajurit, wireh raksasa punika, kadi garuda muane, galake kaliwat-liwat, cepet manuge1 sirah, pangamuke marab-murub, manguluh wadwa Astina.
87b.
13. Malih makeber ring langit, waluya kadi garuda, tur ngardi peteng age, kadi wengi sesajayan, kagiat prajurit katah, pati gagap sami bingung, laris katiwakin panah.
14. Kadi ujan ngenanin, rusak prajurit Astina, raja putra Ardanane, kroda niwakang sanjata, kadi prabawan surya, wesyan peteng sampun larud, malih galang kadi suba.
15. Kanten detyane ring langit, kaancap ring panah, katah labuh
254
