85b.
SO. Miwah sang detya Pracanda, putra Lengka masasirig, cepet manentang gandawa, isune mamelecat gelis, detya Prapanca keni, kapisanan tur nyarumuk, sang detya Ketupraba, tumurun ngagem gegitik, kroda nuuk mamalu ring alu gora.
51. Sarasine putra Lengka, kapisanan null mati, sang Cadayatna nanggulang, nganggar pedang ngubat-abit, saha sama nyempalin, salih ungseb salih tembung, sang detya Ketupraba, tugel tastas kasempalin, bungkah larud, sakatahing detya gadang.
52. Katindih ring wadwa Lengka, kaburu kaurak-arik, asing keni kapedangan, katah wangke paguliling, atap matindih-tindih detya gadang, detya biru detya putih len samar, katah tumpes kapalipis, dening watek manca negara Astina.
86a.
53. Sayan katah marantaban, rauh detyane mapulih, detya pelung len saliwah dadu barak, selem kuning poleng belang berintik, marantaban paceburbur, galak saha sanjata, arug sambeng miwah kandik, wadwa Lengka kalikub dening raksasa.
54. Katah rauh para putra, nulung niwakang jemparing, putra Gopaladewara, Pancalawidarba malih Mayura lan Mecili miwah Arya Padmaketu, putra sri Madra raja, putra Antasara malih, rangkung riwut mamagut pamuking detya.
55. Mati saka seu laksa, manadi segara getih, miwah dadi gunung sawa, raksasa manusia mati, rangkung ramening jurit, kumareteg-kumarutug, kadi ngrubuhang jagat, patempuhing para prajurit, rengning sungu nguwung mangawang-awang.
252
