nanging kedik karinipun, nuli raris katanggal, detya samar ngamuk malih, sareng biro, pungawane wolung dasa.
84b.
43. Tekane laut nerajang, wadwa Wirata kaungsi, rame pecampuhing yuda, detya biro katah mati, detya samar nulungin, ngancap ring kandik, karug rusak wadwa Wirata, katah benyah keni kandik, miwah erug, rna tine seu-seuan.
44. Mepulih prabu wirata, miwah sakeh para mantri, panahe laksa-laksayan, paceloscos mangenenin, detya punggawa mati, Nilapraba detya biro, punggawa detya samar, welung dasa tumpes sami, pramantrine raksasa biro len samar.
45. Detya wilis marantaban, maberiuk sareng sami, tandange ngamuk wirosa, kaparag punggawu Cedi, karampad dening kandik, miwah kaujanan batu, prajurit Cedi bubar, punggawane tiga mati, detya wilis tandange kabina-bina.
85a.
46. Mantri Lengka pura nanggal, mangujanin ring jemparing, miwah pra mantri Kamboja, detya wilis katah mati, punggawane mapulih, pinah-pinah rangkung satus, raja putra ring Lengka, sang Gada nuli magutin, rangkung riwut, melanggar pamuking detya.
47. Masikep gada malela manumpak, ring gajah putih, kakurubut ring raksasa, prajurit detya wilis marepen, majemparing galak mangujanin batu, sane ring luur gajah, punggawa ning detya wilis, mantri satus ngarutug ring bajra konta.
48. Tan kaweran sang putra Lengka, turun sakeng gajah putih, tandang kadi Meganada, teguh timbul sura sakti, punggawa detya wilis, mantrine kapalu remuk, katah rubuh nyalempah katah mundur saha kanin, manca agung, detya wilis sang Pracanda.
49. Sareng detya Ketupraba, putra Lengka kakembulin, sampun merasa kenyelan, gada tugel dados kalih, nyabut pedang tumuli, cepet nulingkap kadurus, munggah ring gajah petak, Ketupraba gelis mangungsi, maneruktuk, ring konta miwah tomara.
251
