warna-warna, tedung katah mamarapit, tunggul len ubar-abir, kadi rasa ngawun-awun, dedet mangampak-ampak, maguruh suaraning gending, bende sungu katahe yuta-yutayan.
36. Maka pamuntating lampah, prabu ring Kasi negari, maha raja Datraputra, waluya Hyang Brahma jati, kocap ring sampun mijil, ngungsine ring Tegal Kuru, katah paran barayan, prajumalesbes tan papegatan.
37. Sampun lintang jro negari, pemargine rangkung asri, jejel mapanta-pantayan, tan kacrita ring margi. sampun nincap paminggir, wewatesing Tegal Kuru, ri sampun pagunungan, sampun matra-matra kaaksi, pamondokan katah wadwa raksasa.
38. Ngardi tarub pasanggrahan, sakeh watek ratu sami, miwah watek raja putra, pejajare rangkung asri, rasa gunung aketi, ngerauhin ke Tegal Kuru, gawok sami-samiyan, wadwa detyane mabalih, saking gunung nalektek sakeng kadohan.
84a.
39. Kanten tunggul pepanjeran, meh kalangkung salaksa keti, tempuh angin kelap-kelap, gadang selem dadu kuning, majajar mangiderin, pondoke rangkung seu, penyawat rangkung jambat, kadi manawa mangresresin, swaran sungu nguwung yuta-yutayan.
40. Sampun masa nangkep yuda, musuh atap katah mijil, miwah prajurit Astina, kangin kauh kadi pasih, len kadi gunung geni, mapapas nyadia mamagut, kerangkung kabinawa, galak sakatah prajurit, salih tempuh maruket laksa-laksayan.
41. Cucuking bala raksasa, watek sami detya putih, parukete silih sempal, ngalawan wadwa Dwarawati, rempak denawa putih, katah pegat tugel rampung, kalih mantri manggala, swetang sasu dangga mati, seket pitu punggawane detya petak.
42. Sami tumpes kalindesang, antuk wadwa Dwarawati, mekadi sri Citrangsuka, rusak sakeh detya putih, sasesan mati lilih,
250
