buwana alit, sang kaselir auntuk Hyang Jagat Karana.
82b.
28. "Sampun ratu midukayang, kaulane langgya sami, mapinunas nyadia nglawan, sakeh satrune sane ngrauhin, ampura ratu sami, ping laksa keti maliyun, mangdene tan keni kakenan, raja pinulah sinami, purun kidik ngelung titah susuunan".
29. Saking banget kakolugan, ajrih ring ucap-ucap tan becik, sri batara Sutasoma, sanget keweh maminehin, reh sampun kasri jati, kasore sakeh praratu, laris magut sakedap, nerima titahing Widi, egar sampun sami sang arsa mayuda.
30. Risampune sami nyembah, ngrasa pada laris mijil, prajurite sami agar, gumentuh kendang gong beri, sunggu makoti-koti, tunggul jejel kadi mendung, ngawun-awun sajagat, tata-tataning prajurit, saka penuh yen rasa kadi segara.
31. Sampun medabdaban medal, cucuk wadwa Dwarawati, miwah samantri punggawa, jejel panah kantar ganti, mangda ledang ring margi, prabu Citrangsuka pungkur, munggah numpak ring gajah, tedung atap gadang kuning, miwah tunggul gendinge mampu-ampuan.
83a.
32. Nyambung prabu Singagosa, ratu Wirata negari, sampun munggah ring kareta, katah warnaning prajurit, rangkung makotikoti, pedang panah watang tulup, kadi gentuh malabar, tetungguhe katah asri, sang ratune waluya Batara Yama.
33. Laris sang prabu Maruta, sang ratu ring Wela puri, prajurite rangkung katah, laris nyambung prabu cedi, masi makotikoti, prajurit rangkung purun, nyambung prabu Susena, ratu ring Kundi negari, sawirehne raja putra sinamian.
34. Satelase bala pangarsa, wadwa dalem nyambung aglis, sang raja putra Ardana, putra si Betara luih, sinuun Nyakrawerti, raja putra Kasi telu, ngiring tan dadi kasah, arya Sala minakadi, arya Baksasucitra malih Jayendra.
83b.
35. Kadi gentuh manyarambah, prajurit mayuta keti, sanjatane
249
