5. Putra Gopala Dewara, putra sakeng Mahispati, putra Lengka arya Gada, putra Metilasa malih, lan putra Madra puri, , putra Wilatma punika, lan putra Antasara, putra Singala negari, putra Mayura; miwah putra Pancala.
6. Putraning raja Pawala, putra Ma1awa negari, putra Jambana Kamboja, putra Widarba negari, putra Kasmira malih, katah yan samian itung, bumi satus negara, praputrane sami ngungsi, saha mantri, punggawa maring Astina.
79b.
7. Mijil prabu Sutasoma, ring singgasana malinggih, miwah sang putra Ardana, kasih ring para resi, bagawan Tama kadi, Siwa Budha putus-putus, ring sarwa-sarwa mantra, miwah ring adnyana sidi, rangkung katah ri sanding prabu Astina.
8. Senjata sami cumandang, kadi pasih tan patepi, mayuta barabarayan, gajah kereta pedati, kabinawa kaaksi, maombakombakan malun-alun, suaraning gegambelan, gending gong kendang lan beri, bende sungu, nguwung-nguwung yuta-yutayan.
80a.
9. Sami pada ngayap-ayap, dedauhan saking purl, mamagut tekaning detya, tan kocap sakeh prajurit, kocap sang paum sami, ring pakumpu1an praratu, Betara Sutasoma, ngandika arum amanis, "E sakehe watek ratu kuru kula.
10. Miwah ki patih Ayendra, indayang pada pinehin, tekaning musuh raksasa, ratu Ratnakanda luih, tan patanding ring bumi, waluya Hyang Kala Mertyu, sadti kaliwat-liwat, tur suba tatas maciri, ratu satus, pada sakti kakasorang.
11. Kajarah urip-uripan, dening raksasa pati, miwah prabu Singala, suba ngesib Wisnu jati, masih kasor magutin, yan suba pada saturut, mangde tan tulus rusak, nira serahang digati, watek ratu mangda langgeng karahayuan.
12. Miwah saisining jagat, mangda pada nerrtu urip, wireh yen praya nglawan, pedas rusak makasami, pinehang gati-gati", patih Jayendra masaur, nyembah mangaras pada, "Betara sa-
246
