lelasan eduk, magenah ring kakolongan.
93. Katah yan ucapang sami, samanca punggawa jaba, ne marupa soleh-soleh, buta pisaca raksasa, sami saha sanjata, sregep ngaba bende sungu, miwah ricik kaklentungan.
78a.
94. Laris mantri jero nyambungin, sawatek sang Indrabajra, kataksa mada lobane, kalawan sang Manakangsa, mukia putih Wimona, panganggone sarwa murub, numpak gajah kereta.
95. Prabu Purusada laris, manunggang wimana, waluya Hyang Kala tulen, tejane ngamaya-maya, ngaranyab kadi surya, panganggene marab-murub, sarwa mas miwah sasocan.
96. Mantri jero katah ring wuri, mawadwa keti laksayan, sang Paksindrasya mukyane, miwah sang mantri Duloma, lawan mantri Duskara, Dumdumdi Kubala Ketu, sami numpak gajah rata.
97. Ring darat miwah ring langit, raksasa yuta-yutawan, kabinawa panglikube, kadi gulem ring pralaya, kadi ngrubuhang jagat, sabdaning raksasa liyu, kadi gelap ngampak-ampak.
98. Sampun lintang ring negari, jajahaning Ratnakanda, sekatah wadwa detyane, lamine wenten ring marga, punika tan kacerita, ring Astina sampun rauh, ring Kurusetra Mandala.
78b.
99. Reh punika natar becik, jebar genahe mayuda, sampun naen yuda rame, ring tegal kuru punika, sang Pandawa Korawa, mayuda saduke dumun, masa prabu Duryodana,
100. Ne kaucap rauh mangin, mawasta perang Bratayuda, irika pecak yudane, krana prabu Purusada, yen durus dados yuda, makarsa ring tegal Kuru, tur sampun ngardi pondokan.
244
