83. Wadwa raksasa nyambungin, masih mapanta-pantayan, matata masoroh-soroh, soroh patih abejugan, masih misi punggawa, nuli raris detya biru, masih mangater punggawa.
77a.
84. Detya gadang nyambung malih, masih mangater punggawa, detya pelung detya poleng, detya dadu detya samar, selem kuning len barak, detya saliwah beruntuk, masih mangater punggawa.
85. Senjatane arug kandik, miwah gergaji belakas, serampang kelawan sambeng, nyambung ne ageng-agengan, ne kadi landung jaka, kadi landung kepuh rangdu, pagalindeng kabinawa.
86. Sikepe batu kasangkil, agenge makadi gajah, wenten kadi ageng banteng, celanane pundat-pundak, maklambi baju kutang, jambule kebun kadi duk, gigi putih manyarampang.
87. Ne agengan nyambung duri, masih katahe laksayan, soroh sami kumis jengggot, nanging kekatahan lengar, barak mangarab-arab, tadah duri misi jambul, kadi jambul bebek tua.
88. Makalung ante ngurincing, yen rasayang kadi banas, delengdeleng karangkung aeng, malih sane di durian soroh maebok jaang, sada rakrik sada tultul, pawakane kabinawa.
77b.
89. Nganggo kakalung lalipi, agenge kadi sesaka, lipi galak selep-selep, malih sane di durian, soroh macunguh panjang, gigi rangap tur marungut, matane katah alitan.
90. Sada supe banget alit, nanging masih acreng kenyang, pamulune gobleg-gobleg, kadi rupan kusta dongkang, aeng kaliwat-liwat, suarane sada macengung, ngredek ngesiab-ngesiabang.
91. Ne durien nyambung malih, masih katahe laksayan, soroh detya soleh-soleh, mua sampi mua jaran, mamua asu ajag, rima kidang mua culung, ulese maduk adukan.
92. Malih wenten mua kedis, kadi suari olagan, wireh tan atub bulune miwah kampine tan ada, sok misi kuncir panjang, kadi
243
