75a.
64. Reh kapatut budi hening, miwah mabudi santosa, kalaning nangun yadnyane, sang ratu age nyaurang, reh wenten ratu detya, rangkung corah tur ngrurusuh, kedik tan nganggo kadarman.
65. Ngrusak ratu nengil-nengil, tan pisan mawiwit apa, ngat ngaguang saktine, kranane yatna macadang, sarwa-sarwa sanjata, sinya rauh praya nglurug, sadyane wantah nglawan.
66. Kanggen caru tuara sudi, nyadia ngungsi darma yuda, mati nandingin dustane, gelis prabu Purusada, tan ngantos panjang-panjang, prabuWidarba kasaup, kabaringkus kaplaibang.
67. Rupan detyane masalin, tulia prabu Ratnakanda, ical rupan panditane, laris mecat ngawang-awang, kapendak ring Wimana, detya yaksa sami rauh, laris misadia mudalang.
68. Sampun lintang panegari, wewengkon tanah Widarba, sang kailangan ratune, pada sedih karahatan, sakeh mantri punggawa, tan kocap sang sami ngun-ngun, kocap sang prabu Purusada.
75b.
69. Makarya praya manangkil, ri pada Betara Kala, praya puput punagine, reh pecak sanggup maturan, mangkin sampun kasidan, polih para ratu satus, tur sampun kakerangkengan.
70. Bastane malusan sami, makrangkeng dados awadah, kadi ngaangin bebeke, ne praya madol ka pasar, kalangkung kasengsaran, sakeh-akeh watek ratu, manandang duhkita bara.
71. Kocap sampun rauh gelis, ring linggih Betara Kala, ungguane ring alas gede, sang Purusada masila, aken sada pranata, nuli laris matur-atur, ngaturang ratu punika.
72. Sang Hyang Kala laris mijil, agenge kaliwat-liwat, kadi detya waduk gede, warna bang selem saliwah, karangkung kabinawa, sirahe alus tur gundul, laris ngandika tan arsa.
73. Nampenin ratu punika, reh kabaos sami nista, tan misi kalui
GEGURITAN PURWA SANGARA - 16</small>
241
