6. Kocape rakryana patih, sane mawasta Pramoda, mamungguang ring ratune, mangda ngungsi ring Astina, saking Astina mangkat, ne prasida anggen ulu, Sri Batara Sutasoma.
7. Reh sampun tatas kapanggih, asing magut para rusad, samian pada ratune, same ngungsi ka Astina, durung mamanggih baya, samilan pada rahayu, turin pakumpule katah.
8. Kaping kalih sampun pasti, boya sida antuk nungkas, wireh musuh kala tulen, boya saking nganistayang, i patih mamungguang, yakti baktine karangkung, boya pisan saking degag.
69b.
9. Kalih inab boya mati, inab tanpa pala pisan, tingkahing rana yadnyane, musuh tan nyadia mademang, nyadian nganggo bebandan, pasti duhkita manungkul, praya bakat yen ngalwan.
10. Sang prabu nyaurang kidik, kabaos banget kasepan, yan mangkin praya larude, tatas kene katutug, dikapan tuara rusak, mati tulus cacad tulus, kaucap jrih nilar umah.
11. Raris wenten matur malih, kocap brahmana welaka, Ida Bana pasengane, sada gamet mamatutang, baos raja Singala, masambung panyumbung-nyumbung, karasayang tuara kalah.
12. Ngesehang ragane sakti, sumanggup ngasorang detya, sakeh-sakeh raksasane, paparayane kadadosang, gunung sawa pasih rah, tur i patih kasinenggah, saking kurang kaprawiran.
70a.
13. Miwah raja putra sami, matur ring raja Singala, mangda durus pepagute, ring musuh raksasa corah, sang prabu Purusada, gagediging rat leletuh, patut pisan praya tungkas.
14. I Patih matur malih, "Daging nunas pangampura, yen sampun janten baose, mangdoh pisan praya tulak, ngiring matoh sapisan, yadin dados ala-ayu, wantah nyadia mangukuhang".
15. Akeh yan ucapang sami, wetune ring pepauman, ring bancingah sareng akeh, pupute sampun aterang, kukuh kaliwat-liwat, Sri Wijaya Wikrama Prabu, cendek nyadia matelasan.
235
