59. Sang Dumdumdi mangangkas atangi, patih Ratnasena gelis madarat, mangayat gada wesine, arsa mupuh tan tutug, sang Paksindra Waktra nulia gelis, nyamber saking gagana, manujah ring limpung, patih Ratnasena pejah, larut buyar wong Mayura pada ngili, mangungsi jurang alas.
60. Urdwapati sampun mati, antuk sang detya Mohanala, sang Arya Citrawarmane, mati detya Bajraketu, rusak tataring prajurit, ring Mayura negara, tumuli sang prabu, Subadata ring Mayura, satlase punggawa mantri prajurit, arsane ngawelasang.
67b.
61. Wau medal prabu Mayura glis, nuli nyander prabu Purusada, sampun karangkus ratune, keni kabasta sampun, ring wimana makumpul sami, sang prabu Ratnakanda, mesat ngawun-awun, sakarine wong Mayura, sami ngili ngungsi Astina negari, matakut ring raksasa.
62. Prabu Ratnakanda mangkat malih, nincap jajahan bumi Malawa, sang prabu Candranatane, arsa mamagut purun, senjatane cumandang sami, miwah mantri punggawa, patatane atub, atap mapanta-pantayan, lalonteke mawarna-warna barak putih, miwah tunggul bandera.
63. Wadwa katah pira-pirang keti, sesikepe tumbak miwah panah, sungu bende pakerenteng, kendange pakarutug, egar-egar prajurit sami, pangriking gajah kuda, pirang-pirang wiku, miwah rata katah-katah, pangantine ring prawatesan negari, tanah Malawapura.
68a.
64. Tan aswe nuli rauh agelis, raksasane katah kadi embah, sampun
cucuk-cucuke, macampuh pada purun, konta cakra trisula gandi, isu miwah tomara, tutujuh pasliyur, kadi sesapi pasliyab, katah-katah prajurit manusa mati, miwah prajurit detya.
65. Sakalangkung karamening jurit, silih pula ring gada lugora, mamedang pinedang rame, para punggawa ngamuk, mawak gajah kreta pedati, kasreg wadwa Malawa, kamuk kasulup, ring para detya raksasa, bubar-bubar kambahan bebalang geni, len batu
232
