gegana, miwah sakeh prajurite, ring mayura kajujur, kocap prabu Mayura uning, katekan Purusada, ratu detya rusuh, parabe raja Mayura, Prabu Subadata Rangku Siwa sakti, patihe Ratnasena.
53. Punggawane katah luih-luih, sampun sregep gegamaning yuda, ngar ang teken denawane, tumuli laris rauh, nincap Mayura negari, kadi segara pasang, ingeh kekaretug, suaraning kendang len surak, sahasa nerajang, wani, ngav uk tan ngetang pejah.
66b.
54. Saka seu encak katagelin, antuk batu salesung sagajah, prajurit ring Mayura, sumingkin ngamuk purun, nganggar pedang makoti-koti, kadi ngabas gelagah, detya katah tukung, tangan suku miwah sirah, sayan katah wangkene, matindih-tindih, manusa miwah detya.
55. Para prawira Mayura sami, ngamuk raksasa katah kang pejah, ngawalesang punggawane, ne madan Bajraketu, Mohanala sareng Dumdumdi, galak mengagah-agah, nguyeng-nguyeng limpang, ngadeg ring luuring gajah, sing kaparag wadwa Mayura lilih, mati kailes gajah.
56. Pepatih ing Mayura mapulih, rangkung sakti ngaran Ratnasena, miwah punggawane, sang Subala Suketu, Citrawarna lan Urdwapati, sami mentang gandewa, hisune sumembur, danawa &atusan pejah, pepatihe mapag sang detya Dumdumdi, marusek silih panah.
57. Detya Bajraketu memagutin, pengamuke Arya Citrawarna, silih palu gada rame, Sang Mohanala magut, pangamuke sang Urdwapati, rame uleng-ulengan, silih tub silih duk, sang Suketu lan Subala, mangempulin yudaning detya Dumdumdi, lan patih Ratnasena.
67a.
58. Katah keweran sang detya Dumdumdi, nambut gada tur turun madarat, sang Suketu Subalane, kalih mati kapalu, munggah gajah detya Dumdumdi, sang patih Ratnasena, rangkung krodanipun, tumuli mentang gandewa, panah malesat keni gajah sang Dumdumdi, matine kapisanan.
231
