dadi daging neraka, tuara pisan matra-matra ngelah asih, tur bisa mangan jadma.
46. Sampun rame pancampuhing jurit, wadwa manusa nglawan raksasa, sanget gumentuh suarane, bangke masusun-susun, getih membah madetang ksiti,, sirahe ne kapunggal, mura pagelantuk, tendas jadma tendas detya, paingete agengan tur maisi caling, punika tendas detya.
65b.
47. Pun yah ribut Jan pangitung pati, para prajurit ring Antasara, miwah para punggawane, matumpah silih surug, silih panah silih sempalin, ada masikep gada, ada gada-gada pangguh, silih tembang silih ontal, katah benyah sirahe keni gigitik, besi kadi saka.
48. Indrabaja malaku bumi, nunggang gajah nengah ring payudan, mamuter lipung tangane, para punggawa magut, pada nunggang gajah prasami, rame montar-ontaran, punggawane telu, punggawaning Antasara, sampun mati katujah ring konta sakti, dening sang Indrabajra.
49. Sang Duloma maruket ring patih, papatihe prabu Candrapana, sang Jayasena wastane, pasilih panah teguh, Jayasena mangayut malih, senjata ran trisula, melecate nempuh, sirah gajahing Duloma, gajah pejah sang Duloma numpak gelis, rataning Jayasena.
50. Saritine kalanjak malengketik, parukete mauder-uderan, Duloma Jayasena, kaciwane mapeluk, reh raksasa ageng tan sipi, sang Jayasena pejah, tekeng rata remuk, larud wadwa Antasara, prabu Candrapana, duk arsa mapulih, saratu pitu welas.
51. Prabu Purusada nyander agelis, sampun keni samian kabasta, ring wimana pakumpule, wong Antasara larud, sesusaning mati ring jurit, maka pitu welas kuta, ne dados tutunggul, sakewala raja putra, pangungsine ring Gajahwayanegari, ngungsi sri Sutasoma.
52. Prabu Purusada mangkat malih, ngawang-ngawang mahawan
230
