yang prajurit, miwah manca negara, sarat nyadia ngamuk, kadustaning Purusada, sarauhe ring raja Dewara puri, manabuh patebengan.
33. Sampun medal sakatah prajurit, sangang negara tanah Dewara, sampun terang pawretane, yen prabu detya rusuh, ngeranjing ring Gopala negari, sawateking Dewara, pamargine nyujur, mangungsi tanah Gopala, nyadia ngatep, ring ratu Gopala puri, memagut ratu detya.
63b.
34. Kocap ratu Gopala wus uning, ring katekan prabu Ratnakanda, sampun pepek prajurite, misadia wantah magut, parabe sri Narapati, sang prabu Hinacandra, arine sapuluh, sami madeg dadi raja, krana sawelas negara sami ngrauhin, ring negari Gopala.
35. Sampun sregep ratu solas sami, laris rauh sakeh raja putra, sareng manca punggawane, saking Dewara wau, sampun ratep dados asiki, ring prajurit Gopala, madendeng makumpul, waluya segera masang, maombakang sauraning kendang gong beri, bende sungu satusan.
36. Sampun kanten detya ring langit, kadi gulem malikub sajagat, kadi ujan sanjatane, panah tomara limpung, nempuh wadwa Gopala puri, miwah wadwa Dewara, ngawales ngarutug, ring panah laksa-laksayang, katah pejah raksasane pajungkaling, getihe kadi ujan.
64a.
37. Laris turun perang madarat sami, rame maruket detya manusa, silih sempal payudane, sirah pegat paglantuk, kawandane keh paguliling, bangke katah panjlempoh, encak ada tukung, ada jarone bar-bar, raksasane sayan bintak nguyup getih, manyambal isi matah.
38. Sanget kawes wadwa jadma lilih, kabarinung kaampel-ampelang, kajangkuak-jangkuak kaceret, rahnyane kang kari idup, tur katudag laut kasisil, ati miwah papusuhan, krana kekes larut, wadwa Gopala Dewara, sang ratune misadia praya mapulih, miwah ari sadasa.
228
