kalindes antuk raksasa, korak-karik sasesaning mati lilih, ngungsi tanah Astina.
26. Raja putra katah sedih kingking, kalangan aji makulasahan, miwah prameswari akeh, makumpul pada lacur, nyadia ngaturang raga sami, ring sang prabu Astina, reh ra tuning ratu, sri Betara Sutasoma, sampun sami saduluran pada ngungsi, puri agung Astina.
27. Prabu Ratnakanda kala wengi, sampun nincap ring jagat Pawala, ri sedeng sirep jadmane, ngranjing ka puri agung, praya nyidra ratune mangkin, sang prabu Rajajuna, sirep keni kimpus, kakeniang kabasta malih nemsiki, sang Purusada mesat.
28. Ngawang-ngawang pamargine gelis, geger uyut sajagat Pawala, ada nangis gentuh rame, ada misadia ngetut, tan kacarita sang sami sedih, sang prabu Ratnakanda, sareng wadwanipun, sami nglelena angedon yuda, nincap tanah Wilatma paminggir pasih, ratune sang Balika.
29. Sareng sanak salikur sami, kala nglila buburu ring alas, tumuli kesander age, dening raksasa prabu, bungkus sampun kabasta sami, makumpul ring Wimana, rangkung sedihipun, malih prabu Ratnakanda, ngawang-ngawang sadwa raksasa sami, budal saking Wilmana.
30. Nincap tanah Dewara negari, sang ratune prabu Wirasangka, sareng sudarane, sami umadeg prabu, kala macangkrama ring bukit, sang prabu Wirasangka, sareng sanakipun, miwah pramessuari katah, para putra masih para raja putri, ngiring makelangenan.
63a.
31. Prabu Purusada ngintip-ngintip, risampune polih kaladesa, nyander saking langit age, asia para prabu, sami keni kabasta gelis, tumuli kakumpulang, ring wimananipun, medal saking tanah Dewara negari, ngungsi tanah Gopala.
32. Para putri miwah prameswari, sami nangis lan mantri punggawa, sapara raja putrane, madabdab praya mantuk, arsa nata
227
