19. Wadwa detya masih katah mati, sri kekalih ring amuk-amukan, sang Purusada tekane, nyidra saking ing luhur, sampun keni raja Walabusari, sang prabu Wirasanda, lan ratu pepitu, sampunm mabasta samian, kagenahang ring wimana nuli malih, sang Purusada mangkat.
61b.
20. Medal saking negari walabusari, laris nincap kuta Lengkapura, sampun sayaga ratune, ngaran prabu Wigrangsu, sareng ratu sapara kanti, kalih dasa negara, ratu agung-agung, makanti ka Lengkapura, makadine ngaran prabu Wisnupati, lan prabu Darmaraja.
21. Ugrabana Rakmasanda malih, sami ratu prawira ring yuda, sampun sregep sawadwane, ngantos tekaning musuh, _nincap tanah Lengka negari, tumuli kekantenang, peteng kadi awun tekaning wadwa raksasa, saking langit saking darat nempuh wani, wadwa ring Lengka.
22. Mananggulang memagut ring jurit, sering kaseser yudaning raksasa, katah mati punggawane, dening sang prabu Wisnu, Darmaraja Wigrangsu malih, rangkung ramening yuda, memaruket mapeluk, raksasa nglawan manusa, pada sura pada dira pada sakti, Ratnakanda lan Lengka.
62a.
23. Sampun sayih tetangkeping jurit, wong ring Lengka bisa nular-nular, cara raksasa tandange, reh lami polih campur, ring raksasa masane riin, duk masaning Rawana, dadi Lengka prabu, krana wadwa Ratnakanda, sering katemper manahen ring musuh kadi, caraning jadma tulia.
24. Sampun lami patempuning jurit, detya manusa katah kang pejah, miwah punggawa mantrine, gelisang carita sampun, prabu Lengka kasander keni, antuk sri Purusada, miwah kantinipun, sami makekalihdasa, tur kabasta, kakumpulang dadi siki, ring balening wimana.
25. Prabu Ratnakanda mangkat malih, medal saking bumi Lengkapura, ngawang-awang pamargine, miwah sawatek diyu, tanah Lengka tanah Walasari, Walaba Walabita, sami-sami gempur,
226
