12. Sasampune rauh makasami, para punggawa ring Ratnakanda, mukya patih Wimonane, Sang lndra Bajra Ketu, Wikataksa miwah Dumdumbi, Duloma Durmedagri, Cubangga Bajraku Durlaksana lan Wikampya, Sang Paksindra Kalu suku bumi, Sumala lan Durmala.
60b.
13. Mohana lamana Kangsa malih, sami nyembah pada ngaraspada, ring prabu Purusadane, sang prabu ngandika rum, "E Raksasa denawa sami, para rengen sadaya, aku asasanggup, ri pada Betara Kala, ngaturaken ratu satus urip-urip, wit aku kasangkalan.
140 Mangke sampun sida maring sakit, tur kawretayang kadi duk kuna", sami nangis punggawane, angrangkul-rangkul suku, nyadia ngiring lebur ring jurit, ngalurug sajajahan, saratu-ratu, pangruruhe satus raja, katah-katah sangguping detya prajurit, suka Sang Purusada.
15. Laris mangkat wadwa detya sami, yasa raksasa lan nisacara, danawa wisaca akeh, dados cucuking laku, warna-warna biru len putih, gadang selem sawah, belang barek pelung, dadi kuning miwah samar, sikepnyane arung panjang miwah kandik, len ada panebukan.
61a.
16. Prabu Purusada mangkat agelis, numpak wimana maelar emas, punggawa dadi cucuke, wenten ring rata mungguh, wenten gajah kuda pedati, katah majalan darat, katah ngawun-ngawun, majalan ring awang-awang, asin kambah-kambah negarane katah rimrim, ratune wus kajarah.
17. Ratu Walabapura duk keni, kala macangkrama ring segara, Sri Nalabaga wastane, sampun kabasta mungguh, nincap Walabupura, ratu sura kasub, ngaran prabu Wirasanda, arsa mapag tekaning raksasa sakti, sregep sapipinangan.
18. Pitung siki ratu luih-luih, ratu saking tanah Walabita, prabu Sala makadine, miwah Sri Rukma Ketu, satekaning raksasa nuli, medal jabaning kuta, sakeh para ratu, makadi Sri Wira Sanda, magut detya karangkung ramening jurit, mati tan pawilangan.
GEGURITAN PURWA SANGARA- 15 225
