Pupuh Dangdang Gendis.
1. Glising crita sampun rauh gelis, ring negara Arya Sutasoma, miwah sang Dasabahu, pra putra nyembah sampun, Arya Sala Sucitra malih, lawan sang Arya Daksa, nganti tekan ipun, suba dewasaning karla, duking tigang dina ring Kasi negari, nuli asiram ring taman.
2. Wenten buaya sisik masadi, risaksana marupa danawa, pranata bakti solahe, marek nyembah tumungkul, ri sang Sutasoma tumuli, lukat dadi apsara, danawa punika, sampune dadi apsara, Sang Antaka Mreta parabe nu1i, mantuking suralaya.
59a.
3. Sampun rauh ring dewasa nuli, glising carita sampun winarang, sang Arya Sutasoma, genep sopakara sacaraning ratu linuih, kocap sampun alama, arsa pamit mantuk, roaring negari Astina, serauhe ring Gajahwaya negari, sang prabu ring Astina.
4. Sakalangkung sukane tan sipi, lami-lami Arya Sutasoma, maputra bagus rupane, tumuli madeg prabu, ring Astina mengku negari, Betara Sutasoma, panengerane atut, kocape sang raja putra, anak putri Kasi Dewi Puspawati, ngaran Arya Andana.
223
