37. Resi Kesawa mambelat, mapitutur "Sampun durus runtik, puniki ne kaksi bagus, raja putra Astina, rauh saking patapan ring Mahameru, praya mantuk ka Astina, inggih dewa putra Kasi.
57b.
38. I dewa patut maprenah, mamingsiki saking Prajnyadari", sang Dasabahu tangkejut, tur nunas pangampura, sada katah baose duke puput, detyane durus kidupang, sang Dasabahu mamidi.
39. Ngajak ka Kasi nagara, paprayane katuran raja putri, sang Sutasoma miturut, resi Kesawa budal, ka patapan detyane masurudaya, ri pada sang Sutasoma, sampun sida dadi resi.
40. Ngungsi ka gunung Kuranda, ngwangun tapa kocap sang putra kalih, numpak ring kreta prunggu, margi alon-alon, saha wadua Kasi pura glis rauh, nincap ring tanah raratan, ngalantang ring wates bukit.
41. Ngambah jajahan Magada, Ian Kalingga sami kawengku Kasi, lami-lami laris rauh, ring negari Awangga, masih sami nagara Kasi ngawengku, rauh ring pituwelas kuta, sami masuk tanah Kasi.
42. Nging jadmane katah minggat, ngiring gusti miwah punggawa sami, miwah saprajuritipun, ngungsi ka Ratnakanda, sawatara bagi pat asiki kantun, ne sida nungkul katitah, masuk pajajahan Kasi.
58a.
43. Sang raja putra mamargi, sareng kalih ring Awangga nagari, patihe katuduh dumun, mantuk ring Kasipura, matur uning kadi prayane wau, ring sang Prabu Candrasinga, miwah ring Sri Prameswari.
44. Miwah ring separa putra, Saladaksa Arya Sucitra malih, tan kocap i patih mantuk, sang putra sakalihan, lami nginep ring bumi Awangga sampun, san Dasabahu mawreta, tingkah duk yudane riin.
45. Krana puri-puri telas, puri agung tatane rubuh sami, dasa de-
221
