53b.
1. Sang pararya Sutasoma, sampun adoh dan pararian ring margi, katah desa peken agung, kukubon kaliwatan, miwah setra kahyangan Dalem kapangguh, kocape Batari Durga, mitutur mangda mawali.
2. Tan kandeg Sang Sutasoma, gelis adoh munggah gunung tumuli, Resi Kesawa kacunduk, tur ngarerep sadina, ring pasraman benjange mamargi ngalaut, sareng sang resi Kesawa, ngungsi bukit Pancawati.
3. Panggih Bagawan Sumitra, katah-katah pituture sang resi, mangdene mawali mantuk, teguh sang Sutasoma, laris engkag tanah teja kanten lengut, kadi bulan makalangan, medal Batari Pratiwi.
4. Masih mapitutur katah, rangkung teguh tan dadi ukih-ukih, Sang Sutasoma tan tumurut, katulakang ka Astina, laris pamit nyadia ngungsi Mahameru, sareng Sang resi Kesawa, laris panggih toya suci.
216