26. Akeh lamun ucapang tingkahing suka, sang sampun jayeng jurit, anuli pamitan, ri sang ratu Malawa, arsa mantuk ring negari, Kasi nagara, miwah sang raja putri.
27. Gelising crita rauh ring Kasi negara, sang sampun jayeng jurit, prabu Candrasinga, rangkung muji ngastawa, miwah ibu prameswari, putri Malawa, sampun ngranjing ring puri.
28. Kacrita ring sampune lama-lama, sang raja putra Kasi, marabi tetiga, mukia putri Malawa, panengah anaking resi, Sri Wisradika, ngaran Dewi Wisatri.
29. Kang pamuntat masih putraning pandita, sang Dewi Sudasmini, wiku sang maputra, ngaran Danghyang Musina, kocap Dewi Priyawati, putri Malawa, maanak lanang sasiki.
53a.
30. Parabe raja putra Sala, malih Dewi Wisastri, maputra Sang Daksa, sang Sucitraka putra, antuk Dewi Sudasmini, tetiga putra, sang raja putra Kasi.
31. Kacrita Sri Maharaja Astina, sampun ngraos lingsir, arsa kagan-tianan, dening sang raja putra, praya kabiseka agelis, dadi pitelas, Batara Jagatpati.
32. Sakarangkung kewerane Sang Sutasoma, rumasa durung uning, dadi maharaja, karsa ngawangun Tara, roaring mahameru ukir, ring wengi minggat, anilib ring pakemit.
33. Tan pararian pamargine gegelisan, sasampune kauning, sang prabu Astina, kagunganing duhkita, sakatah punggawa mantri, para pandita, pada duka kasyasih.
34. Tan kocapan sedih sang aneng negara, sang prabu mutus agelis, pramantri nyalasah, paran sang raja putra, tan matra-matra kapanggih, sakeh punggawa, mungkur mulih ring puri.
215
