16. Sami larud wadua sakeh pipinangan, kaluluh takeng uri, sang raja Magada, Sri Awangga Kalingga, sampun kasor magut-magut jurit, panah wisesa, panah tan pamasiani.
17. Racut buyar bayune ratu tetiga, kagulung wadua angili, ingelud saparan, sampun liwat jajahan, negari Malawa puri, mandeg mararian, prajurit Kasi puri.
18. Mangandika raja putra Kasi pura, "E sakatah prajurit, burunen saparan, sang prabu tiga sanak, nadian teka ring negari, tanah Magada, walesang Jajahin.
52a.
19. Gempur rusak karaton bumi Magada, wangsa Kalingga malih, nuli malih mangkat, sareng sang raja putra, saba sungu srenggen sami, alon-alonan, lampahing pra prajurit.
20. Tan kacrita swene wenten ring marga, sampun manjing negari, wawengkon Magada, sami suung katilar, ring jero kuta masih sepi, ngumpul jajahan raja putra Kasi.
21. Lan jarahan sangka rmg bumi Awangga, miwah Kalingga puri, katah rajabrana, mule-mule katilar, kajarah dening prajurit, Kasi negari, sampun sami mekumpul.
22. Sawatara buatan ratu sewuan, jadma katah gung alit, kang keni kajarah, miwah sakeh jarahan, saking praratu kang mati, pituwelas katah, barana lan pawestri.
23. Laris wenten pawreta yan sampun terang, katurang putra Kasi, yen sang prabu tiga, ngungsi Sri Purusada, ring Ratnakanda negari, nyadia nyawita, ring Sri raksasa pati.
52b.
24. Tan kacrita suene wenten Magada, sang raja putra Kasi, madabdab mudalang, ngungsi kuta Malawa, sampune sregep mamargi, kuta Magada, karusak katunjelin.
25. Sampun medal saking wewengkon Magada, nincap Malawa agelis, tekane ring kuta, laris madum jarahan, sang prabu Malawa pati, karangkung suka, mamantu sura sakti.
214
