24. Miwah ratu pipinangan ngiring, cacak ratu samiam Pituwelas,
Sang prabu Guru Desnane, Sang Prabu Nilabahu, Bajranala Wikarna malih, Sutiksna Wirodatta, Bajrasula mangru, Naladika Sulabajra, Sang Pragupta Prawasta Wirosa malih, raja Singawadana.
25. Prabu Harsa lan raja Nisati, miwah ratu ngaran Supadira, pupute kapituwlas, saha sanjata tunggal, warna-warna mawuwuh asri, pada mapanta-panta, saratu-ratu, misi bendera masurat, dadi ciri renteb rame nyandang beri, bende sungu len kendang.
26. Prabu Bajranala mameretin, raja Barja raja Sutabajra, sapanta-panta makober, len Prabu Sulamangri, petang ratu sidan dumunin, nyambung sang prabu tiga, numpak rata prunggu, tedung makembar-kembaran, jeljel atap gadang barak, biru tangi, wurine ratu tlulas.
47b.
27. Sawateking pajeng warna kuning, dados ciri yen ratu irike,
jawining kuning tedunge, punika ne kapatut, sida mangge ring para mantri, tan kocap duk ring marga, sang ratu katelu, miwah ratu pipinangan, kocap raja putra ring Kasinagari, sampun sedeng taruna.
28. Sampun wenten karsa ngambil putri, wireh sampun kasrambahan smara, ahum ring para mantrine, arsa ring putri ayu, saking ngarebut ring yuda, sane madia kakramayang bapa bibi, miwah ne madan nista.
29. Pakurene kakramayang rabi, sampun gilik pateh ngiring samian, punggawa Kasi rajane, laris medek sang prabu, manguninga sadiane ngambil, raja putri Malawa, praya kaburusuk, kanggek prabu Candrasinga, sanget-sanget panglemeke moyanin kukuh sang raja putra.
48a.
30. Mragiliyang ature mapamit, Klarisan sampun kalugra, Sang
Dasabahu prayane, mangekes putri ayu, nuli mangkat Sang Putra Kasi, sareng mantri punggawa, miwah patihipun, mawasta Jayawirota, glising crita tan lintang ring Kasi negari, nincap tanah Malawa.
208
