da ngiwangin gurune, megat putra tan patut, tatan pasang yen durung becik, katah kawi ngemengang, krana mangkin mungguh, caritane ngangge tembang, turin mangde tembang sade alit-alit, niru reng-rengan Jawa.
5. Wireh ngambil cerita mangkin, sasambungan sok anjang kewala, mambil duk wiwit kaline, pamubul katurun, prastanika dadi akidik, nyambung cantaka parwa, pangambiling unduk, sampun puputang liwatang, padabdab caritane, tuutang malih, tingkahe duk punika.
44b.
6. Pamadeg Prabu Mahaketu luih, ngawengkuang sakatah jajahan, titi larang pandawane, sang prabu sampun kasub, ngulah samadana ring gumi, tur pasikiane kuna, sayan-sayan rampung, Dwarawatine ka Astina, Dwarawati sampun dados ratu alit, maparab Citrangsuka.
7. Pakilite ring Astina mangkin, sampun rumaket ka Kasi negara, ping kalih putri Kasine, prameswari ngawengku, ring Astina tur manak laki, ngadeg ratu Astina, ne mangkin Sang prabu, Mahaketu mrabian, putri Kasi ibu masih putri Kasi, kadi ne wau kocap.
8. Kacrita Danghyang Kala malih, lan Hyang Ludra nyadia ngrusak jagat, mahiyang ring raksasane, nanging raksasa prabu, turon kala ka yan enguni, polih marabi anak, Sang Malyawan dumun, maputra lanang lelima, makadine maparab Detya Sakuni, Detya Sakuni manak.
9. Ngaran Raksasa Sudana luih, Sang Raksasa Sudana maputra, Sang Purusada wastane, bulune kadi jaum, kulitnyane waluya besi, punika ne kiyangin, ring Hyang Rudra wau, krana nyadia ngrusak jagat, pramantrine raksasa punggawa sami, mukya patih Wimona.
10. Wastan gumi karaton mangkin, ring negara madan Ratna Kanda, karangkung asrine, waluya suarga nurun, dening katah sarwa mas manik, umah-umah jeljel atap, sami luung-luung, genahing para punggawa, miwah wastan para punggawane sami, ne mangkin malih wilang.
205
