wiku, miwah Bagawan Suka, putra Brasinuun luih, kandikayang nglilipur prabu Astina.
43a.
59. Ngawijilang panyrita, katah-katah becik-becik, ngaran Asta Dasa Parwa, Brasinuun budal agelis, mating pasraman sepi, kacarita jeg sang prabu, ring sampune miarsa, katuturan luih-luih, galis lipur, sungsute Prabu Astina.
60. Gelising carita sampun lama, panyeneng Sri Nyakrawerti rangkung pamujining jagat, kasore kari akidik, ring saduke ne riin, duk Sri Dharmawangsa prabu, sering mangawangun yadnya, yadnya sarwa luih-luih, sampun kasub, kontap ring lian negara.
61. Ri sampune lama-lama, kocap prabu nyakrawarti, tutug panyenenganira, wenten swaputra kekalih, mijil ring prameswari, Dewi Bamustiman wau, putri Kasi negara, Arya Maya duran kidik, Arya Ketu arine tur pada lanang.
62. Kocap Sang Nararya Maya, tanarta mukti ring puri, gumanti
ratu Astina, munggah gunung dadi resi, laris maparab resi, Bagawan Kesawa putus, sang sida dadi raja, kabiseka ing nagari, Arya Ketu sumilih ring singasana.
43b.
63. Maparab Sri Maharaja, Mahaketu ratu luih, prameswarine punika, masih raja putri Kasi, Sri Dewi Pradnyadari, tata warna rangkung ayu, kasor manasing gula, ring manise prameswari, manis nyunyur kasor manis dandang gula.
203
