42a.
51. Pamurung patine kadang, sakatahing naga urip, sawireh kaprenah kadang, sang prabu nanin kidik, ring sampun sida mati, I Taksaka sida puput, gaening yadnya sarpa, sang wiku nerag mantra malih, I Taksaka sampun das tiba ring kunda.
52. Watara sapatin tumbak, dohnyane ring urub geni, Sang Astika manguncarang, sarpa pasarpane malih, saha pangasih-asih, nunas icane Sang Prabu, rasa kadi kakenan, pranan Sri Nyakrawerti, mecat sampun, I Taksaka ring petala.
53. Ri sampuning yadnya sarpa, katur bujana ring resi, miwah katur pradaksina, satusan seuan lebih, dana katur ring sang resi, pamargine ngunda usuk, nista madia utama, miwah Sang Astika malih, polih dania puniane prabu Astika.
54. Tur kaican pangandika, mangda malih rauh mariki, ring prayan dinaning karya, aswameda kawangun malih, Sang Astika sairing, sampun kalugrahan mantuk, ngungsi ka nagaraloka, sakalangkung-langkung kapuji, dening sami katahing bangsa naga
42b.
55. Tur laris kaprajanjiang, watek naga nyadia sami, ngelingang rauh kawekas, anging rasaning prajanji, asing jadma manuonin, kateleb ngucapang unduk, puniki manyarita, tan keni baya punapi, sane wetu saking sawateking naga.
56. Kocap makadining naga, ne mati tiba ring geni, siki anak I Taksaka, anak Irawata malih, anak Karawia malih, anak Dratarasta puun, kocap naga punika, sami pada luih sakti, panjangi pun wenten kalih dasa depa.
57. Wenten mapanjang alaksa, depannyane yan depain, wenten masirah tetiga, lelima pepitu malih, kocap Sri Nyakrawerti, sause yadnya kawangun, sungsut sungsuting manah, reh Taksaka urung mati, matur nyembah ri pada Bagawan Byasa.
58. Mapinunas nglipurang, kasatuain indik riin, kaluhurane samian, brasinuhun Byasa laris, nuduh sisya asiki, Wesampayana sang
202
