20. Tan baktine kapitelas, antuk Sanghyang Pasupati, Sanghyang Giri Jagatnata, sampun waspada ring gumi, wireh Sang Prabu mangkin, sida pitelas hyang guru, dadi guru wesesa, ring Astina makasami, asing purun punika patut karusak.
38a.
21. Wenten malih apasalan, babaos praya kauning, nanging yen sampun kalugra, kenyem prabu nyakrawerti, "Inggih larisang sang resi ati, palapane Resi Bagawan Utangka,
22. Inggih sang guru wisesa, wenten wreta sane riin, sang sampun sida newata, batara ida I aji, maharaja Parikesit, kocap linane ne dumun, kegutil ring Taksaka, saking tan madruwe sisip, kadi gunung puun kasamba ring gelap.
23. I aji saduk punika, karangkung-rangkung kasiasih, lintang cekap I Taksaka, yan sampun kapatut becik, walesang sane mangkin, I Taksaka mangde puun, kardiang yadnya sarpa, mangdene padem ring gelis, raga letuh sane maraga Taksaka.
38b.
24. Taler patute saratang, reh naga kagengan sisip, purun ring guru wisesa, kaping kalih rangkung rungsing, ring resi taler cingin, wau brahmanan sang prabu, banget kabancana, dasdasan manggih sisip, saking pakardine I Naga Taksaka.
25. Tan ngawilang anak tua, wiwit kanda sapunika, kala brahmana sang nata, kautus ring guru patmi, nyelang kundala manik, ka Yodia ka puri agung, ring istri raja Posya, maparab Dewi Sawitri, istri ayu karangkung-rangkung utama.
26. Ring sampune kalugra, kaicen kundala manik, brahmanan Sang Prabu tulak, praya medek guru patmi, saduk kala ring margi, I Taksaka laris mawuh, nadak walat sahasa, ngepet singse saking langit, yen tan ica watek dewata samiyan.
27. Durus brahmanan sang nata, kasisipang guru patmi, reh tan yogyanin pandita, niwakang pindanda tui, krana mangkin kauning, ring sang kawenang kapatut, niwakang pamidanda, tan lian mawa bumi", sampun puput ature wiku Utangka.
198
