36a.
5. Pratingkahing kapukulan, Sang Sarama rangkung brangti, witanake tan padosa, kacapalen kagitikin, maki reang mamargi, praya malungguh sang prabu, nuli raris mamarga, Dewi Sarama puniki, pangistrine resi Bagawan Pulaha.
6. Tan kacarita ring marga, rauh ring payadnyan nuli, Sang Ratu Janemejaya, kala ring yadnyan katangkil, Sang Sarama matur gelis, daging rasa pamalungguh, wireh I Sarama, tan padosa kagitikin, kalih ipun I Sarama susila.
7. Uning ring letuh pawakan, tan purun nungadah saji, mangda ke praya andilat, wantah saking doh mangalih, dadi kena kagitik, krana karanan sang ratu, endi ndatan yogya denda, Sang Sarama nyapa nuli, ring sang prabu mangda manggih pekewuhan.
8. Laris muksa saksana, ring pangadegan tan kaksi, wireh sampun polih tapa, Sang Dewi Sarama sakti, sang prabu nyakrawerti, karangkung-rangkung tangkejut, saking tan taen pisan, keni sapan wiku istri, wireh kantug yadnyane raris kausang.
36b.
9. Nanging sampun mawasta sida, puniane sampun mamargi, katur ring wiku samian, laris prabu nyakrawerti, sarauhe ring puri, sampun mamineh ring kayun, tan lian prayascita, saking wiku sidi mandi, sida ngelus pangraket sidining temah.
10. Laris linga ngalila-lila, sang prabu nyakrawerti, ring alas tampek negara, maburu dados sarwi, kalunta-lunta agelis, pamargine kalawun-lawun, sue nyusup ring alas, laris wenten kaaksi, pasraman asrine dening ning sarwa sekar.
11. Sang pandita sidi mantra, Sri Srutasrama sang resi, masanding kalawan putra, Somasrawa sang maharesi, tur sidi mantra kalih, manyambrama ring sang prabu, sampun sami karenan, sang prabu miwah sang resi, sampun sanggup praya mangicalang sapa.
12. Laris budal ka negara, sang prabu anyakrawerti, sareng resi
196
