pamit, tur sampun kagancaran nuli laris mantuk, manggantyang ka patala, kocap reke sampun sedeng waktu magrib, yen cara basa Arab.
31. Tunggang gunung yen cara Bali, dan nyanjayang meh suruping surya, Sang Prabu Parikesit, sampun ngrasa yen luput, keni sapaning wiku Srenggi, laris ngambil makpak, asiki woh nyambu, kaksi uled alit pisan, uled selem matane barak makenyit, tur laris kaguyonan.
32. Wayatene I Taksaka mai, sidi pisan sang wiku manempuh, sapunika wacanane, nanging saking tan ngugu, saking sanget mamracampahin, uled naga Taksaka, kadi-kadi nundun, mulih matemahan naga, laris ngutil prasedana dadi api, nagane ngawang-awang.
33. Sampun lina Sang Prabu Parikesit, kadi gentuh tangising suaranya, makadi pramesuarine, karangkung sesek ribut, duhkitane wong sanegari, wenten makusah-kusah, wenten senguk-senguk, kadi karubahang jagat, kahlangan surya wulane ring bumi, peteng tan pagagatan.
35a.
34. Tan kacrita wong puri, sampun puput katur sopakara, ring sang seda newatane, widiwidana sampun, pepek tan kakurangan kidik, saluiring tatakrama, sapaturing ratu, laris putrane kadegang, kabiseka antuk sakeh pararesi, Prabu Janemejaya.
35. Ngawengkuang jajahane sami, sawawengkoning jagat Astina, ratu listuayu rare, kongwan susila sadu, miwah rupa guna kasaktian, sakeh ratu punggawa, sami bakti sujud, risampuning lama-lama, ngalap rabi raja putri Kasipuri, sang putri Bamustiman.
36. Sida manggeh dadi pramesuari, sampun sami pada peritusta, sanegara Astinane, tan kari semang mangu, ring linane raja Parikesit, dadi wit taru ragas, geseng tan padaun, katiban balabur kapat, sampun atap makedapan rangkung asri, sinoming sanegara.
194
