15. Sami nangis ngasih-asih, laris munggah ring himawan, sami mangardi yogane, ngaregep budi nirmala, wau kanten aterang, pucuk Sanghyang Mahameru, laris wenten kawaspadan.
16. Rupa masih buka kapanggih, irika mabetekang yoga, Sang Dropadi ngerihinane, kapetak tan dadi molah, matur Sang Werkadara, "Inggih beli sampun kuru, I Dropadi rupa telas.
17. Gelisang tulungin beli, reh tan kangkat makitipan", Sri Yudistira saxre, "Ede liyu manyakitang, yadiapin mati depang", Sang Bima malih matur, "Napi krana sapunika".
27b.
18. Sri Yudistira nyaurin, "I Dropadi nandang dosa, makuren ring lelimane, I Arjuna kesahatang, paling sanget katresnan, krana tan sida manutug, beli majalan ngatiang".
19. Laris wenten malih kaksi, Sang Sahadewa nyalempah, Sang Bima melid mataken, "Inggih beli I Sahadewa malih labuh nyalempoh, napi sisipane dumun", Sri Yudistira ngandika.
20. "Salah nyane kadi-kadi, pratingkah maambek punyah, wireh pengrasane dewek, tuara ada ngasah-asah, buat ring kapradnyanan, krana sadia ne tan tutug, tuara nyandang to sungsutang".
21. Sang Nakula masih mati, Sang Bima gisu nunasang, "Punapi dadi sisipe, ngandika Sri Yudistira, "to adi I Nakula, sanget nganggen awak bagus, masih maadan "angkara".
22. Sang Bima tang kejut malih, "Inggih beli I Arjuna saksat Hyang Indra saktine, masih mati tan pakrana, manyelempoh ring tanah, napi beli sisip ipun", Sri Yudistira nyaurang.
28a.
23. "I Arjuna krana mati, ne malu duk Bratayuda, ngaku ngematiang musuhe, mangda tegihe maembah, kadi ring tukad Gangga, yadian Dewa dadi musuh, disubane di peperangan.
24. Kewala ngungsiang urip, to salahe I Arjuna," Sang Bima laris kaleson, ature teher nunasang, "Punapi makrana sadia ne teka tan tutug, mangiring Sri Yudistira.
185
