1. Ring dasa praya mamargi, mararyan mawekas-wekas, ring Dewi Subadra reko, "Adi beli praya luas, nguwangun wanawasa, lilayang adi ring kayun, putun adine elingang.
2. Anak cerik I Parikesit, serahin beli ngeraksa jagat, natayang catur warnane, ngantinin para sadaka, sampun adi nyungsutang, beli ngiringang pituduh, brasinuhun resi Byasa.
26a.
3. Sang Subadra lara tangis, ring waune miarsayang, tan kewasa nyaurane, wawacan Sri Yudistira, tan ucapan punika, Sang Arjuna laris nuduh, nang Ulupuy ke Patala
4. Sane maparab Ulupuy, rabine Sang Arjuna, saking Patali wiwite, putran Sanghyang Antoboga, ibune Sang Irawan, sane seda duke dumun, kala perang Bratayuda.
5. Miwah Citra Gana Dewi, masih kanikayang budal, ring negara Mayurana, jawining istri punika, samian kesukserahang, ring putune medeg prabu, kari teher Astina.
183
