"Arang-arang jadma uning, makeh ngunduh kayune Batara Kresna.
19. Jati tuhu paragan Sanghyang Wisnu, tan nyandang parnayang, wireh kakumpulan luih, Sanghyang Wisnu prasida sari ning jagat.
20. Ne tetelu utpeti stiti punika, tekaning pralina, kawisesa maka sami, tuara nyandang cening rahat manyakitang.
25a.
21. Saking sampun pakaryan Batara Wisnu, mantuk maring suarga, mralina ring Dwarawati, kaki tau saking pitui aterang.
22. Cening matur ring Sri Yudistira payut, yan mawanawasa, mangde tan kasrambah. kali, eda pisan pramada ring Sang hyang Darma.
23. Eda nu katut teken kawibawan agung, reh sangara mangap", Sang Arjuna nyembah pamit, ri sampune kaicenin warah-warah.
24. Sampun kukuh meraga sucining kayun, tan kocap ring marga, rauh ring Astina gelis, laris katur pawekas Begawan Biyasa.
25. Ri sang Prabu Yudistira sakalangkung, mamuji ngastawa sapanca Pandawa sami, gelis paum mangireyang wanawasa.
26. Sampun puput sapanca Pandawa patuh, praya ngewana wasa, kaneme Dewi Drupadi, ne kapatut gumanti ratu Astina.
27. Pernah putu sang Arjuna sang Bimanyu, prasida mapura, maparab Arya Parikesit, sane maibu Utari putri Wirata.
28. Pernah putu sang Arjuna sang Bimanyu, prasida mapura, maparab Arya Parikesit, sane maibu Utari putri Wirata.
28. Sampun puput mabiseka madeg ratu, munggah singgasana maharaja Parikesit, sang Yuyutsu manggeh dadi tua-tua.
181
