24a.
7. Lanta-lunta masih nagih tongos bagus, kapelek manyolahang, yan rambang badbadang sami, tuara tulus, ngatepakang apa-apa.
8. Sara ditu sara dija-dija ditu, sara-sara, ne punika masih ketil, jatan kalis tan dadi neket alemah.
9. Yening ruruh ne kenken praya kapanggih, ne merasa apa, dadi kumur tuara pasti, silar-silur sai mauder-uderan.
10. Dandan saru jat ngantung keni ngelantuk, mar genekang tangkah, saksat kena upas angin, yan tan kuku tur gemet bisa nanggulang.
11. Sai tuyuh ngantos pasikepan rauh, saking sang tumitah, ne mangda kereng nanggenin, panyegiting genining kalisangara.
12. Miwah ipun manampekan wisia masuk, ne ngerampas manah, liwat-liwat makewehin, sadanane nyidayang arang wong wikan.
13. Yan tan tulus sihing Hyang sukma kang Agung, wisesa ring jagat, saisining bumi langit, kang sunambat ring jadma sangsara
24b.
14. Kaping sewu kaping laksa keti maliyun, masih tuara dadua, mangde sida ngalakonin, sapanitahang Hyang Wisesa ring jagat.
15. Nandang ewuh mangda nyidayang manapuk, terus lila narima, tuara kantos tolah-tolih, sida ngetut ne tui paubad manah.
16. Yan tan ta tuduh, ngawecayang jattan bingung, ngukuhang punika, wireh liu nyalengkatin, turin liu tan beda uli negara.
17. Malih matur nang Arjuna matalungkup, "Punapi krana rusake ring Dwarawati, wireh sampun wisnu raksakaning jagat.
18. Sanget bingung yan pinehang tuin ipun", sang resi ngandika,
180
