6. Ambek kabangetan jugul, tan uning ring selem putih, nganggo sadadi-dadian, sasida-sidan malih, titah ala durus ala, titah becik durus becik.
22a.
7. Ambek kadi angganing sumur, tan uning praya makirig, yadin kainum toyannya, pisara ugi Hyang Widhi, yadin kaurugan tatal, tan wenten mapineh malih.
8. Wireh ambek sewu lacur, tan patuas ngamertanin, mangecokin sawah-sawah, ngengkadang ulian carik, kabar angin sang Pandita, sisyane mamuca dadi.
9. Mara batang salah patut, ngungkulin ne lintang suci, sane tan madaging cacad, makalaning nang-ning, nanging kari durung sinah, yan sane engken madan ening.
10. Maling tingkahe ngaruruh, yan kija praya marginin, babekelane yan apa, tindake yang sapunapi, yan margi yan amunapa, doh tampek yan amunapi.
11. Irika ne kari kumur, yan kadi ring awak sami, durung wikan ya watakang, kari ngangge karag-kirig, saget putih inab melah, saged barak inab becik.
22b.
12. Durung seken durung putus, durung antes durung cepi, kari ngangge inab-inab, durung wikan ngawiyaktinin, wau tieb sengguh ujan, wau pules sengguh mati.
13. Yan malih pidan kapangguh, pinehe mawastu jati, nyalah ules yan kadi ayan, boya ijo boya buik, krana sering nyalah para, gramang-grumung groang-groing.
14. Durung nyidaang mauruk, mangde dados tan patai, tan panyuh tan paleled, tan papeluh mambu pesing, masih kari kadi mula, boya dados wah-wih.
15. Mula bagus kari bagus, mula perot kari dengkling, yadin panjangang balabad, sakewanten polih lepis, sat ngawilang peteng lemah, durung kanten nyarik.
GEGURITAN PURWA SANGARA - 12
177
